自訂搜尋

【舞照跳】夜總會金牌媽媽生:呢個行業絕對會絕迹!

分類: 夜店新聞 | 發佈者: bar_club | 人氣: 19,591 | 評論數: 0*/?> |
|粉絲追蹤:
1495456328_22d8.jpg
「最浮誇既使錢方法梗係派錢啦,就係有豪客從大門一開,就一路行一路派錢;張張一千蚊紙,見人就派,連掃地阿嬸都有。」有「金牌大班」之稱的侯爵會媽咪Maggie細數當年:「嘩!旺到百花齊放,豪客在夜總會門口等位,猶如茶客在酒家等位的情景。」那些年,做小姐的都身穿幾千元一件的旗袍、皮草返工,「回歸前啲樓價咁高,媽咪呀小姐都有能力買;但沙士後,海怡半島一個700多呎單位,都只係220萬,但都冇人敢買,冇生意邊個敢買呀!」

縱橫夜總會33年的Maggie見盡人生百態,趣事亦多籮籮,「初戀呀!我要初戀呀……!」在電影《喜劇之王》中高呼要搵初戀的豪客,原來是夜總會業界真人真事,「絕對唔係拍戲,係真既!嚟搵初戀,梗係要清純(小姐),唔化妝,著得老老土土咁,最好乜嘢都唔識,冇做過呢行呀嘛!」
不過97回歸後,夜總會面臨一個又一個難關,行業進入萎縮期。2003年2月至6月,沙士襲港時,造成1755人染病,299人死亡,失業率達到7.9%,經濟跌到谷底;疫潮令到本港旅遊業大受打擊,同年7月28日,港府為了挽救經濟實施自由行,可是仍救不了夜總會,各夜場推出各種優惠自救。03年,大富豪就請了俄羅歌舞團表演,每位只收250元,包一杯啤酒,但限坐一小時。中國城也推出150入場欣賞歐洲歌舞表演、人肉壽司派對、現代酒池肉林等。而當時在中國城做大班的Maggie補充:「我地仲有出報紙、雜誌(廣告),全部啲推廣(大搞主題之夜),肚兜、比堅尼、睡衣、飛機師呀。」
「05年開始有間好出名既大型夜總開始執笠,跟住大富豪、新花都等,大型夜總會開始執笠啦。」Maggie87年入行,回歸後,她在中國城做了10年媽媽生,其後在夜總會開始走下坡時,轉會到新花都;2012年新花都結業,Maggie稍作休息,2013年到侯爵會再次重操故業,她笑言多做兩年便退休:「依家冇人入行做媽咪,搵錢又唔多,行業又轉咗燈頭、經理制,媽咪呢行業絕對會絕迹!」至今僅剩下俏佳人、富都及侯爵會等三間日式夜總會
「金牌莊家」之稱的前立法會議員詹培忠笑言,當年喜萬年被譽為「股票金融界飯堂」,行家們會在此交換消息和應酬,亦是傾生意的好地方,不過97年後,社會風氣改變、廉政公署加強反貪宣傳,到夜總會傾生意已經過時。
外人常說到夜總會「跳舞」,金勞詹卻笑指其實是沉迷在銷金窩:「美其名應酬,但事實係追小姐。好似吸毒咁,電燈著,鬼掹腳,不知不覺走去夜總會。」惟黃金歲月一去不返,他認為中央當然希望香港繼續舞照跳,繼續繁榮,但本港經濟條件已不同,租金又貴,「仲點經營夜總會呀?印尼一間夜總會面積幾十萬呎,內地任何地方都有大型夜總會,香港已被淘汰!」
你可能會有興趣:

最新評論


nighk.com

GMT, 2021-10-19 20:26 , Processed in 0.015160 second(s), 20 queries , Gzip On.

返回頂部
-_-