香港夜蒲人仕的確需要改善一下某些不良態度：

1.男既出黎玩唔該比風度唔識認既男男女女，唔好唔覺意撞到你就冇事搵交嗌講打講殺
（除非你嘈個高你二三個頭既例外)

2.男既唔好成日扮醉抽女仔水，好似前世無見過女人咁，有部份人仕的確係想落黎同朋友玩同聽音樂。

3.出黎玩就係出黎玩做番自己就得，最緊要開心，男既放縱不放肆，女既放電不放蕩。

培養良好的夜生活模式：

1.動機正確 (今晚要玩、想玩，想開心、想同朋友聚埋、有開心事情要慶祝、想聽音樂、口渴)

2.場合正確－係悶/唔開心的情況下應同少量同伴去靜ｄ既場傾下計，或者去D有LIVE BAND或jazz music既清吧，等音樂同你消磨，聽日放假，朋友生日就唔駛講啦。

3.同伴正確－(成立一支夜生活專案小隊,當中既成員應該是各有所長，重點係自己既真心朋友就可以，同伴飲醉當然要自動作掩護。）

漫無目的既夜生活只會令自己更加空虛，飲到個肝爛都只會一樣咁唔開心！

每日唔知為咩而蒲果ｄ人也不能稱作派對動物，因只有酒保先會日日企係個場度。

享受音樂，好友相聚的時光才是重點，酒精亦只是我們助慶的玩具而已。