自訂搜尋

Bubbles:嘴角含春 星期三大旺桃花

分類: 酒吧推介 | 發佈者: bar_club | 人氣: 33,319 | 評論數: 0*/?> | |
|粉絲追蹤:
上星期係 10月尾,幾乎蒲去邊度都撞到鬼,其實出嚟玩都係搵個藉口,就好似我咁,又借頭借路上咗去諾士佛臺嘅「 Bubbles」,探老闆為名,實情就呃酒飲。
09fn6p.jpg
文、攝:貓仙人


■氣氛好,大家自然玩得放啲。


其實我每隔一個月左右就心思思要嚟呢個場 Hea番晚,好似有心癮咁,除咗因為呢度老闆梓聖仔為人相當 Nice啱傾之外,最主要原因係呢個場真係無一次令我失望過,講緊嘅就當然係源源不絕嘅靚蒲妹啦!
話晒呢度都係尖沙嘴區數一數二嘅 Clubbing場,每逢星期三 Ladies Night同星期五、六晚,班靚女就會自自然咁蒲頭,而且每次嚟親梗有唔少新面孔,唔會好似其他場咁,見嚟見去都係同一班靚女!
講番梓聖仔,幾個月前明明仲 Black口 Black面,今次見佢就成晚都嘴角含春,問多兩問先知,原來佢又識到新女友,睇嚟我都要嚟密啲呢個場,黐吓佢啲桃花運都好嘛!
其實,如果真係想行桃花運,唔使搵乜師傅,我都可以幫到你。呢個場最正就係逢星期三嘅 Ladies Night,包保行桃花運嘅機率大增。

任飲酒類選擇多


■唔係講笑,旺到真係插針唔入。


男士只要畀$350入場費,就可以全晚飲任何酒類,威士忌同啤酒已經係最基本嘅選擇;但難得個場有咁 Pro嘅 Bartender駐場,當然要試吓佢哋嘅手勢,個人推介飲 Long Island,事關以市價每杯$80計,飲到 5杯就賺凸;唔喜歡飲 Cocktail,不如飲吓紅、白酒,都係無限量奉上。夜場任飲派對嚟講,呢間都叫做多選擇,所以就算入場費貴少少,但仍然每個星期三都座無虛席。
雖然話逢星期三晚都鬼咁墟冚,但其實平時收費都算正路,幾乎所有威士忌每支都係賣$888,差不多成個老尖都係做緊呢個價,如果想抵飲,可以一次過 Order兩支,事關呢度長期買二送一。啤酒方面,絕大部份啤酒都係$228一 Set;江湖規矩,早啲飲多着數, Happy Hour平一嚿水,$128有交易。咁嘅價錢、咁嘅裝修同客路,我覺得 OK囉!


■呢個場有唔少呢類斯文靚女嚟玩㗎!



■清秀型斯文靚女,唔知大家又點睇呢?


(地址:尖沙嘴諾士佛臺 1號 6樓)
你可能會有興趣:

最新評論

Archiver|香港酒吧 | 網站地圖 */?>


Developed by iwadv.com 香港網頁設計 - 專業網站製作seo優化廣告公司

, Processed in 0.018109 second(s), 20 queries , Gzip On. */?>

返回頂部
-_-