n
自訂搜尋

深圳大Show連場 @Evening Show晚裝空間

發佈者: bar_club | 發佈時間: 2012-6-4 14:30| 查看數: 410,742

北蒲點至醒:超級檔文化蒲點 大 Show連場

■呢度經常有時裝表演,呢晚係泳衣 Show。

呢間位於福田中心區嘅場,其實開咗好耐,叫「 Evening Show晚裝空間」,間場走超級檔路線,以搞派對同表演節目為主,以往嘅 DJ派對,算係濕濕碎,喺度睇 Show可以睇唔切,而且好玩,多女,乜類型嘅靚女都有,識女亦識唔切!好好玩,勁正嗰隻!

文、攝:程風


■有個咁大舞台,直情開演唱會都仲得。

呢間超級大嘅蒲點,老闆話:「要呢個酒吧成為全球最大綜合文化空間,打造佢成深圳新文化蒲點,成為東西文化交流最前線!」嘩!好勁喎。特別一提嘅係,音樂係呢度一個主要元素,以 R&B、 Hip Hop為基調,再加上其他唔同類音樂,玩多元化結合,配合獨特燈光效果,氣氛一流!
全場分成四個不同空間,一個係風情邁阿密,位於四樓露天泳池區,專做水上芭蕾 Show;中央主場係時裝表演區,係動感時尚、光影與藝術嘅娛樂空間;而 VIP文化主題情景音樂包房,則係第三大空間;最後,位於五樓天台,設有露天休閒餐吧,坐喺呢度,既可談心,又可感受夜空嘅美麗,安靜而浪漫。四大空間,總有一個啱你心水!


■呢位悉心打扮赴會。


■華洋美女都鍾意嚟呢度玩,交吓四方朋友嘛!


■呢間場有幾好玩?睇呢班客人就知啦!
開演唱會都得

嚟呢個場玩,除咗飲酒,大部份時間對眼都會好唔得閒,因為實在太多精采節目,又實在太多靚女。由盛大嘅開張派對開始,就陸續有唔同嘅派對玩。場中類似演唱會咁大嘅表演台,物盡其用,曾經開過一個名為「明星演唱會中國巡演」,無乜場可以搞到咁大型嘅 Show㗎。另外,時裝「花生騷」更係呢度指定動作,玩過好多次;音樂派對亦多不勝數,好似之前玩過嘅主題派對就包括:「好萊塢異國風情妖嬈上演!」、「 FANTASTIC BABY派對」、「檳榔西施·粉色派對」、「今夜的舞後派對」,甚至剛剛喺五月尾舉行嘅「 Red Carpet Party」,真係不斷有派對玩。而且最重要係,呢度女質十分高,女客人固然悉心打扮至嚟玩,連班女 DJ都性感又有型,快啲自己嚟睇啦!


■晚裝行「貓步」當然唔少得啦!


■女 DJ Electra,幾時都咁有台型。

地址:深圳市中心區卓越世紀中心(皇崗商務中心)
04fn7p.jpg

最新評論

Archiver|香港酒吧    | 網站地圖

stat tracker for tumblr

hkbar.net網站由網維網頁廣告設計及開發。

返回頂部